انا قاتلة

[المهندس]

أنا قاتلة ...
ارتعدت و انا اسمع هذه العبارة ..ليس لان القتل فقط جريمة كبري , و انما لان عندنا في مهنة القانون ان المجرم دائماً ينكر جريمته.
انا قاتلة...
اردفتها بعبارة الواثق من تصرفه ...
ازحت نظرى عن كمية الاوراق المتناثرة من امامى ور فعت ببصري رويدا رويدا , فاذا بامراة في بدايات العقد الرابع من عمرها , لم يذهب الجمال بعيدا منها , وان كان ما يوحي اليك انها كانت فاتنة في صباها .
أنا قاتلة...
قالتها هذه المرة و دخلت في نوبة من البكاء الهستيري . طلبت لها كوباً من الليمون.أمسكت الكوب و رشفت منه رشفة .وضعته ببطء امام المنضدة امامها.ثم اخذت تنطر في زاوية المكتب و كأنها تستوحي حكايتها من ذلك الفراغ.
انا امراة, عشت طفولتي في سعادة لاتوصف فانا وحيدة والدي ,,,اصنع من الرمال قصورا ...و من الوهم حقيقة ....وعندما برزت أمراة من جسدي الصغير بدأت احس بنظرات اعجاب ممن حولي. لم اكن اقيم نفسي ...........و مضت الايام و السنين و بدأ عقلى ينضج و بدأ الخطاب يتوافدون علينا
* * * * * * * * * * * * * * * * * * * * * * * * * * * * * * * * * * * * ******* * * *
- لا لا يا بت دا ماهيتو بسيطة .ما بيقدر يعيشك
- لا لا يا بت دا و الله حا يسكنك مع اهلو و هاك يا مشاكل
- لالا داك ................
- لا لا داك ..............
و تمضي السنون .....

[المهندس]

صلاة الجمعة جات .انقوم اجهز وبعدين نواصل . خلاص؟

[المهندس]

تمضي السنون .....

(لا ادري كم من السنون مرت...كل الانطباعات و الوف غيرها مرصوصة في ذهني حتي ليخيل الى و انا امشي ...انى امشي على نفسي ...و انا مازلت على فراشي ....الحياة تبدو قديمة كالالبوم كل صورتها تذكارات) ..

وجدتني مشدوها و انا اسمع هذا الكلام من هذه القاتلة ....صمتت قليلاً ثم امسكت بالكوب مرة اخري و رشقت بصوت عالى ما تبقى منه ثم وضعت الكوب بقوة اصدر صوتا عاليا..أمسكت بطرف ثوبها تمسح به فمها ثم استطردت :
(توفي والداي في حادث وانا احوج ما اكون بحوجة اليهما ....تركونى في عالم مجهول الهوية ....عينه الشر و انفه الجهل....وقلبه الحزن الكئيب ...احتجت لمن يملاء علي سعادتي بهجة و سرورا....مأساتنا اننا لا نستطيع أن نمتلك الاشياء الجميلة و المشرقة في حياتنا ..... لا نستطيع أن نعدو الى الافق لنحتضن الشروق حتى وجدته)
سالتها مقاطعاً ( وجدت من )؟

[katah]

المهندس
لقت المرحوم
الله يرحمه

[المهندس]

مرحوم منو يا كتاحة .صبراً يبل الابري ما في؟؟

[مشاكس]

هندسة
أبعد شويه من الماهية دي عشان ما تهبش الناس في اللحم الحي

[المهندس]

المشاكس الخبير ....دا ما ياهو واقعنا ؟؟؟ و لا شنو
شكرا للمداخلة
ونواصل القصة

[katah]

يا هندسه الابري بعد ما اتبل نشف عديل كده

[المهندس]

انت عارف يا كتاحة ما لازم نخليكم كده مشعتفين روحكم معانا.
و الله القصة هي طويلة لكن اسع انا بحاول اختصرها شديد لاني اكون بكتب فيها كدة يجوني ما بعرفوا شنو و شنو في المكتب
اها ياخوي روق المنقة

[المهندس]

( طفل ....في الثالثة من عمره ...جميل المحيا ...وجدته في الطريق...راني فهرع الي و ارتمي بين احضاني و وهو يناديني ماما ماما ماما ...
اين انت ياولدي...لقد كنت ابحث عنك من زمان؟واخذته معي ...اعتكفت الدنيا و انزويت بعيدا في دواخلي.. . وفرت له كل شي ...وكان سعيداً و كنت بذلك مسرورة حتي جاء ذلك اليوم )

بدا صدرها يعلو و يهبط من شدة الانفعال ...وتراءت لى دموع في عينيها و قالت :-
(حتي جاء ذلك اليوم...رأيت امامى رجلا اقرب ما يكون لرجال القرون الوسطى..لا أدرى من اين جاء .. صاح بي ...أيتها السارقة سرقت طفلى ...صرخت .... لا انه طفلى ...بد أيقهقه بصوت درامي وهو يقترب منى ...ارتمي طفلى على صدري وهو يرتعد ...كلما زاد اقتراب الرجل زاد ضغطي على الطفل وانا اصرخ لا لا لن تاخذه منى لن تاخذه منى وانا اضغط علي طفلى بين احضاني وفجأة سمعت صوتا ...طق ... و حشرجة ...نظرت الي طفلى فاذا هو قد فارق الحياة ........ تلفت حولى فلم ارى الرجل .


ثم بدات تصرخ ( أنا قاتلة ...قاتلة ...قاتلة ....) و مدت الى بلفافة كانت تضمها. تحركت من مكاني ببطء و دقات قلبي تتزايد .أمسكت اللفافة ووضعتها على منضدتي و بدأت في فضها رويدا رويدا ...هالنى الشكل الذي رأيت لم اكن اتخيل في يوم من الايام أن امر بهذا الموقف لاننى لم أرى سوى دمية طفل ...فعرفت انها ليست قاتلة بل هي إمراة ....مجنونة.

انتهت

[الفريد]

الجن بداوى كعبه الإندراوه

شكرا يا مهندس

[المهندس]

الفريد اخوي ....عفواً
لكن اسع دي جناً متل جنك انا ان تب ما شفتا. انت راكب الدويويرة دي ماشي وين :icon_lol:

[katah]

خليه
جريه
متعبه
لكن بتوصلوا المنتدي محل الراحه اlفكريه
نحن هنا عندنا ناس بيزبطوا الدماغ
الله يخليهم
والا كيف يا مشاكس؟

[المهندس]

كتاحة اخوي.
اها انت ما عندك جنس الحاجات بتاعت الجماعة ديل لي شنو؟

[مشاكس]

تمام يا كتوحتي بظبطو ليك
لكن يا هندسة رايك شنو في الوليد بتاعي ده
عندو كرش عارفو
لكن دي من المويه البارده
هههههههههههههههههههههه

[المهندس]

انت عارف من الشكل بتاع الولد دا و اللبسة اللابسا دي ظاهر انو صيني ( لكن ما وقع اتكسر) اغرب حاجة انو الصورة بتاعتو فيها كرش. انا بعرف الصينيين ديل تمام زي معرفتي ببطيخ الحراز . دا صيني تقليد. اسع لاحظ في سوق الله اكبر دا في صيني عندو كرش. بعدين الناس ديل لعلمك نهايئ ما بيشربوا موية باردة . غايتو معلومات كتيرة اديناك ليها يا مشاكس .
بقول ليك نييييهاو (دي بالصيني معناها بالعربي كيف الحال)
ودعتك الله
(زا جيات ) معناها معسلامة

[مشاكس]

ههههههههههههههههههههههههههههههه
هههههههههههههههههههههههههههههههههههههه
هندسه والله طلعت مبدع عديل
قلت لي نييييهاو
يا أخي وليدي ده لا صيني ولا حاجه
ده حاجه كده عابرات قارات كما جاء في علوم البحار للزمخشري
انه كان هناك ولد تائه في الصحراء وبعدين لمو فيهو جماعه رفعوهو في مركب
غايتو ما بعرفو نزل الصين وألا الهند
لكن ولدي ده ما زولك البي تتكلم انت عنو
ده من صنعي براي
يعني ولدي انا
ههههههه

[المهندس]

ولدك شنو ياخوي.حتى بالامارة الرسمة الفي فنلتو دي معناها Good Luck
و انا قمت بتكبير الصورة و اتاكدت يا مشاكش
و لا شنو