رسالة صمت

[المسافر]

أبدأ أول سطري بنقطة النهاية
أبدأها وقد جعلت أحلامي بين السطور مقتوله
بحلم لا يعود لها وإن بقيت باقي العمر لن تكون لها
مجرد خواطر مغموسه بأنين الفراق ووهم عاشقة
يازماني الجاني وباقي أوراقي أشهدكم اليوم على وفاتي
واجعلوا من قبري ذكرى لرجل جرحه أدى لفقد حياته
ولأسف حياته هي مجرد لعبة في أيدي خادعة
قد جعلت في ليلها ونهارها حبي تسبيح لها بخيانتها
لتكون قاتله برحمة ولتجعل آثارها على جسدي عقود نيران
تشتعل في غيابها ليهتز جسدي ويشتاق لقربها
وكل مازادتني جعلتني مكبلاً أكثر وأكثر
وياويلي وأنا محاط بكل هذه الآلام
وتبقى دائماً النظرات تخترق كل محرماتي لتبيحني
وتجعل مني كتاب مقروء من الكل وفي عيناي دمعة القهر
على أسطورة صنعتها بيدي وهدمتها وحدتي
جعلتني على هاوية الأرض أنتظر رياح الصبر لترديني من قمتي
لأسقط قتيلاً على آخر تراب الأرض لأختم معي حيرتي وأسد طريق عودتي
ولاأعلم إن بقيت تعويذة حبي لتصيبها وتندم على رحلتي
رحلة اللاعودة واللا مفر من مقتلي
أم أنها تبتسم على فراقي وتبدأ بسحر غيري ليكون مصيره إعادة لسيرتي
وأعود من أول سطري وأبدأ بنقطة النهاية
وتمضي أيامي وأصبح من أشباح الماضي
على مدينة رحلوا أحبابها وجعلوها مكبلة بسلاس الإنتظار لعودتهم
وبداية الطريق عبارة (رحلوا بلا وداع ... وباقي ذكرياتنا باقيه لتحطيمها)
فاسكنوها واستمتعوا بأنينها من جبروتنا لتعلموا مدى قوتنا في جرحنا
وأنهي رسالتي بصمت شق الكـــــــــــــــــــون من ظلمها
ويبقى في النهاية ظرف الرسالة معطر بدماء الخيانة.

[سيف]

أنا عرفت يادوب أنت ليه زعلان من النسوان يازول تكبر تنسا موضوعك دة قريتو وحاولت أفهمو كله لكن ما قدرت لكن في لقطات كدة زي:-
 أحلامي بين السطور مقتوله
 أنين الفراق
 اليوم على وفاتي
 لرجل جرحه أدى لفقد حياته
 حياته هي مجرد لعبة في أيدي خادعة
 لأختم معي حيرتي وأسد طريق عودتي
 رحلة اللاعودة واللا مفر من مقتلي
 وأصبح من أشباح الماضي
 ويبقى في النهاية ظرف الرسالة معطر بدماء الخيانة
معليش أنا ما زول فضايح لكن من أنينك واضح وهذه آثار شاكوش في ناس بكتبوا حاجت زي دي وبقولوا عليها شعر حر تقلب القصيدة فوق تحت ما تعرف عدلته من قلبته . وربنا يبرد جرحك المهم أرمي قدام.

[المسافر]

أتمنى أن لا يصيبك الحزن والألم الذي أصابني يا سيف
تعمدك البحث بين الكلمات يثير دهشتي وينعش ذاكرتي في نفس الوقت

أستوقف الأمل العشم في دهاليز البشاشة وتسامرا
وقال له
أنصارع طواحين الهواء أم نختال وسط الأزهار زهواً....؟ هل البكاء هو الداء أم الدواْ ....؟؟؟؟؟

عزيزي سيف حين يأتي الإلهام ... إلى أين يحملك خيالك..؟؟؟؟؟ إنك تتخطى حدودك... هل تعلم أنك هنا تتحرر... وحين تتحرر يصبح من الصعب التكهن.......

سيبك انت من التكهنات دي ؟
وتأكد هو ما شاكوش لكن حاجه تاني
عرفتها .... ...........


( من صورتك انت الرامي قدام ..... وجاري لاحق شنو أنا ما عارف ) أعمل فرامل
:D:D:D:D:D:D

[BrBrNeT]

مرحب يا سييييييييييييييييييف
وصلت والبيت بيتك

[الخواجه]

أخي سيف حبابك

المسافر ده قال ما شاكوش

باقي ليك يكون شنو

أنا غايتو ما لقيت ليها أي تفسير
قلت أشوفك يمكن تنجدني وألقى عندك حل

[امل]

زمان طويل وانا لم اندهش من الكلمات ايها المسافر ... لتبقي لحظات ..حط رحلك عندي ... خيمتي صغيرة قد لاتجد فيها مكانا للجلوس لكن وانت تقف علي بابها علمني كيف تطوع الكلمات لتحمل لك ما تريد وهي فرحة .... دعك من هذا السيف واكتب لا تفسر ولا تشرح انها الكلمات تشرح نفسها وتقول ما تريده انت وما نحسه نحن معك فيه ...
احيانا يا سيف انا اكتب وانا حزينة عن الفرح واكتب وانا مشوكشة عن فرح اللقاء والشوق الي عينيه ... واحيانااكتب وفي داخلي رغبة في ان احطم الكون كله لان ابي وبخني يوما ... الكتابة حالة غريبة لا ترتبط عند البعض بالحاضر ولا بالواقع قد تكون هروب من الواقع الذي نراه الي الواقع الذي نرتضيه ... المهم انا زعلت منك جد لعدم فهمك لهذا الفارس المطوع للكلمات ... دعنا نعبر عن ما بداخلنا وسمه انت شعرا حرا او نثرا او ونسة ساكت او خطرقة وخيالات من يمسكون القلم وعندها لن تفهمنا ابدا ...

[المسافر]

هـا نحن نتشرف من جديـد بفتـح خيمة أختنا أمل ... لعلهـا إنطلاقـة أخـرى للجمـال في عالـم الحـروف والألـوان ..


أختي أمل أيتها الشفافه لك الحرف الناصع النضيف ومني لك كل الود وانتي تورقي صفحاتي بمداخلاتك العبقة .. زيدني واكون اكثر بهاءاً ..

[سيف]

عظيمة هي الكلمات تحمل في طياتها الاشواق والاحلام وكل مكنونات الهيام هذا المرض العضال وللكلمات سحر يطوع الآمال العراض وكذا تحمل هذا الكم الهائل من العلوم والمعرفة التي أضاءت الآفاق والكلمات الحقيقية تقود للحقيقة والهطرقات لا تقود الا للسباحة في عالم الخيال وعندما نجد الحقيقة أو نكتشفها تطير بها نفوسنا فرحة بفرح عميق وتضيء جوانبنا لعالم منير لكن عندما نسبح في عالم الخيال تغطينا الظلمة والغوص في غياهب النفس ونتخيل الظلمة كبيرة لن تنتهي بنا وتزيدنا حزننا هذه الظلمات فيجب التوقف عن هذا الخيال المريض والخوض في جروح الماضي وذكر الخيانة و الأحلام التي بين السطور مقتوله و أنين الفراق وتشهدنا على وموتك وتلك الأيدي الخادعة التي خدعتك ورحلة اللاعودة والهروب والغريبة يالمسافر انت هارب ومعاك احزانك يعني مافي فايدة .. خليك هنا .. وبلاش تسافر .. وهذه يدي تمتد اليك لتنتشلك انت وامل الماشة في دربك هي ما زالت في بر الامان لكن لا ندري ماذا تحمل في جوانحها لأني شايف كلماتك زي وقعت ليها .. ريقي نشف .. انا ما شي أديها موية .

[المسافر]

تعرفي يا سيف
يعجبني نقدك وما أكثر الكلمات التي لدي لأقولها لك . لكن دعني أكلمك بلغتنا نحنا

والله يا سيف ما توقف الشي الجاري ده اصلي ما أرد عليك
عارف ليه
لأنو بي يجيني أحساس أنك بترمي الكلام ( دراب دراب ) بي جريك ده

ولحدي ما تزح الحاجه الجاريه دي

ما شي أشرب لي كباية شاي أروق بيها رأسي

[امل]

انا الغايظني ما الزول الجاري بس لكن النظرة الخبيثة الفي عيونو تبحث دائما عن الفضائح انت مالك نحن مشوكشين وسنبكي حتي تاتي لنا بما يسكتنا

[BrBrNeT]

لا تعليق

:D:D:D:D:D:D

[سيف]

يا أخواني ريلاكس .. أنا حتى في كتاباتي ما قعد استعين بالابتسامات العلي اليمين دي لأني شايفة مستفزة مرات وبالنسبة للمصيبة الجارية دي فأنا لم أختارها وتفاجأت بيها وطلبت من سعادة المدير تغييرها وقد تكون اتلصقت فيني عند التسجيل وانا ما ماخد بالي ولحدي هسع انا ما عارف الآلية البغيرو بيها واطلعت في منتدى الكمبيوتر على كيفية عمل توقيع وكنت ساعي لي حاجة زي كدة حاجة تعبر عني لكن في الوقت الحالي لقيت مافي شيء معبر اكتر من السادة لكن جنس اللصاصيق دي الواحد يتخلص منها كيف بالنسبة للمسافر روحو رياضية وفهمني وأنا آسف كان في عبارات فيها دراب لكن أمل زعلت جد وأنا احمد الله انك صحيتي علي كلماتي والحقيقة أنا متلهف في هذه الزاوية أن أسمع من أمل كيف تتطوع الكلمات وتبث الفرحة فيها وهي حزينة كما سبق وان قالت لي أو كما فهمت .. واسمك بيرمز لي مستقبل مشرق .. وكلمات المسافر فيها معنى عميق بصراحة هي التي استوقفتني .. المهم ارمو قدام .. وأنا مرة مرة بجي .

[مشاكس]

سيف

تحياتي لك يا بطل

والله رقم الضرب بتاع الجماعه ديل لكن لسه شايفك جاري وغامط عينيك ومكشر

يعجبني فيك الأصرار والعزيمه دي

لكن سمعته قالوا انت جاري كدي محصل أولمبيات أثينا في اليونان صحي الكلام ده

أبقى خلينا نشوفك في التلفزيون


:D:D:D:D:D:D

[meme]

بسم الله الرحمن الرحيم
السلام عليكم ورحمة الله وبركاته
قبضتكم تراكم عاملين عمايل شواكيش وعذابات وانا بهناك مع الجمال وسلطة الاسود وانتو فاتين بعض فت شديد
ياسيف الجماعة ديل اتكاتفوا عليك لكن ولا يهمك انا معاك
المسافر مشوكش مشوكش مافيها اتنين تلاتة
ده كوم وكمان امل طلعت حالتها تحنن
ربنا يشفيهم ياسيف
مساااااااااااااااااكين

[BrBrNeT]

أهلا أختي meme ( تجولي في المنتديات وستجدين كثير من المواضيع الشيقة )

أخي المسافر ( تعرج بيننا وتلون حياتنا بكلماتك العذبه ... ونسبح معك في عالمك المثير )
وأخرى بمواضيعك القيمة .
أخي سيف
لم يكسب فينا مشاكس خيرا حين جعلك طليقا حرا تتجول هنا

ولكننا عهدناك دوماً . ( ناقد ) وتجيد النقد . طبعا مع تدعيم نقدك ببعض المواضيع والدلائل والبراهين .
ولا يخفى عليك أنك أصبحت . رمز بارز في واحتنا التي قلت عنها أنها حزينة .
وتعالوا جميعا نلون منتديات بربر بأحلى الرموز

وبكره يا قلبي الحزين تلقى السعاده .

وأسأل ( محمد ) من باقيها عشان ما عارفو
;););)

[المسافر]

أخوي brbrnet

والله كلامك يشرح الصدر ويرد الروح

أشكرك عليه جزيل الشكر

ودوما سنكون شجرة ظليله لزوار واحة منتديات شبكة بربر

[المسافر]

حبيبي مشاكس
أنتهت الأولمبيات ولم نشاهد سيف هناك
وشايفو لسه جاري
ياربي يكون لاحق شنو ... يمكن كاس العالم في ألمانيا ...

[مشاكس]

أنا سمعت قالو سيف معتكف
في رمضان
ما تنسانا يا سيف من صالح الدعوات

[ود الجبل]

سلام وشوووق كتير سلام بردو ليك يا روحي سلام عليك..اجمل حاجة لمن الكلام اكون كلام..حا تقوله وكيف الكلام اكون كلام..اقولكم..لمن نتكلم بغلتنا دي ..بدون رسومات علي الكلمة وتجميل للمعني ..لمن نتشاكل ونرضي بدون حساسية..جيت ضيف ما عايز اقعد لمن اجيبوه لي كباية العصير وبعديها الشاي ..وانا اشيل واعاين للبيت القاعد فيهو.. بدون مقدمات نحن نفس واحد.. نشاكل ونزعل من بعض في النهاية هدفنا كلمة طيبة اصلها ثابت.وفرعها في السماء.لكم كل التحايا الاخوه..بدون فرز ولا ترتيب.. سيف.المسافر..امل..بربرية.. مشاكس كل الاخوه معلقين وناقدين وادباء وشعراء..كل الاخوه بدون فرز..
فتكم بعافية

ايه الدنيا غير لمة ناس في خير او ساعة حزن .

[حزن]

ياليل الضياع كم غابت مدن الترجي .............يازمن الهوان كم زالت اوهام التمني

فتلك عهود الود زالت وعم السواد المضني

شجون حلت وامال ولت

ولاح في الافق حزن مطال المدى ومشجي

وتلكم الجراح مضى عليها عهود ومازلت تدمي ............... وبسمه الامل ولت والفرح غاب

من ضياعي ومن ليلي


مسافر............ لا تهتم بما كتبت فوق ............... فهذه خربشات اطلت على من وحي رسالتك


لك دوما ودي يا صاحب القلم الناطق باسم الحب


وصمتك صدقني ابلغ من كل الحروف

[المسافر]

أشكركم بحرارة ........................

شوقي لتراب بلدي ......................

لتذكيري بهذه الروائع ............................

كتبت في وقت كثير الحزن .............................

ولكنه كان الحزن المفرح .........................

[المأمون]

كم رائع أنت أخي المسافر..
ومن لم يصبه شاكوش فهو ليس بمسمار..
لك تحياتي..

[المسافر]

أديبنا المامون ..................

ليتك رأيت فرحتي عندما قرأت مشاركتك .......................

أشكرك على المرور ...................

[abdelhy]

هـا نحن نتشرف من جديـد بفتـح خيمة أختنا أمل ... لعلهـا إنطلاقـة أخـرى للجمـال في عالـم الحـروف والألـوان ..


أختي أمل أيتها الشفافه لك الحرف الناصع النضيف ومني لك كل الود وانتي تورقي صفحاتي بمداخلاتك العبقة .. زيدني واكون اكثر بهاءاً ..

اخى المسافر بنات حواء ما ليهن امان وكلمات اكبر من تسطرها فيها
وارسل ليك بعض ابيات كسيقى فى العزاء
باليل والنهار دمعات مصبوبه
هو شاف احلامو فى عينيها مصلوبة
وتانى رجع عليل وتفتقو جروحو
مغتون بيهواكى فوادى يا روحو
مجنونك فقد صبرو وكمل عقلو وكتر نوحو