سؤال عاوزه ليه رد

[شذي الافراح]

قصة حقيقه حصلت بس حا احكيها بكل بساطه من غير أسامي وعاوزه اعرف رأي القانون فيها :
واحد معارض من الحركة الشعبية وشخصية معروفة من ابناء الغرب وناس المؤتمر الوطني عاوزين يتخلصوا منو باي طريقة المهم جوه في السجن قالو ليه بكرة عندك عمليه قلب في مستشفي ( ...........) واتفقوا مع طبيب انو يعمل العملية ويدفعوا ليه مبلغ كبير من المال ويقتل الزول دا بأي اسلوب . المهم جابوه المستشفي والطبيب زاغ لقوا المستر الكبير ادوه الورق وقالوا ليه العمليه مواعيده اليوم والدكتور التاني مافي تعملها انت قال ليهم الا اكشف عليه بنفسي نهائي مابعمل عمليه بتقرير طبيب تاننني غير كدا في فحوصات كتيرة قبل العملية لازم تتعمل المهم قدر ماحاوله رفض تماما ولانو دا النظام المعمول بيه في المستشفي .
جات اختو السجن وسالت منو قالو ليها ودوه المستشفي عندو عملية اتلمو اهلو وقالو نحنا مستعدين نسفرو بره لكن هنا لا ودا لو كان اصلا عندو عملية المهم رفو انها خطة من السيد المحترم ( مدير المخابرات العسكرية ) المهم من جاي لي جاي عندهم كم رتبة عسكرية كدا في عائلتهم استماحوا الراجل وعفا عنو ورجعو السجن مرة تانية .
سؤالي : هل هذا شروع في القتل ؟؟؟؟؟؟؟؟؟؟؟؟؟ ام ماذا ؟؟؟؟؟؟؟؟؟؟؟؟؟؟؟؟؟؟؟

[علي جارالنبي]

لك التحية شذى الأفراح ::::::::::::::

إذا جاز أنّ الأمر توقف عند هذا الحد ، ولم يتجاوز ذلك إلى مرحلة البدء في التنفيذ ، فإنّ مثل هذا الفعل لا يُعد سوى تحضير وليس شروع . ذلك أنّ الشروع هو جريمة لا بد من تحقق أركانها الثلاثة وفي هذه الواقعة لم يتحقق الركن المادي للجريمة وهو الفعل .

[شذي الافراح]

مشكووووووووووووووووووور علي المعلومة لك التحية
ربنا يهدينا ويهديهم

[wad berber]

يا شذى تحياتى ..... الكلام ده من راسك والا من كراسك ههههههههههههههههههههههه والله يا اختى السؤال اللى يطرح نفسه هل ما ذكرتيه فعلا حاصل ؟ .... والله لو فعلا حصل يبقه على الدنيا السلام ................ وعليه اهل لا اله الا الله السلام ..... ووووووووووووووووو عجبى ... تحياتى واحترامى ....

[امير العضيم]

حاصل وصادقة في كلامها
تحياتي لك يااختي شذي
والتحية للاستاذ المحامي علي جار النبي للاجابة الكافية
وتحاتي للجد المطول من البلد وماعارف الحاصل ديل ياجد ممكن يعملو السبعه وذمتها

[شذي الافراح]

هو انتوا شفتو حاجه ؟؟؟؟؟؟؟؟؟
ياما فيك عجايب يالسودان

[سودانى]

هسى ناس الحركة بقتلو فى الناس عينك عينك

[كرنديس]

هسى ناس الحركة بقتلو فى الناس عينك عينك كيف يعني الحركه شرطة المرور او الحركة الشعبيه لو كان الاخيره تبقى مصيبة ولمت فينا

[سودانى]

اكيد الحركة الشعبية

[ود شندى]

اذا لم تقوم بهذا العمل لا تستحق ان نطلق عليها استخبارت عسكريه
هذا اخطر من العدو الحقيقى
وعلى مااعتقد ليست الاستخبارات العسكريه بهذا الغباء حتى تعرض بضاعتها فى المستشفيات
اخت شذى الاستخبارات لها اساليب لاتخطر على بال بشر
وهى اذكى من ذلك بكثير
والذى حكى هذه الواقعه مبتدى فعليه مراجعت مولفاته
مع تحياتى

[أمير الحزن]

هذا الكلام ليس بالمنطق