عروس احد المغتربين تلد مولدها الأول يوم حفل زفافها !! [الأرشيف]

مشاهدة النسخة كاملة : عروس احد المغتربين تلد مولدها الأول يوم حفل زفافها !!

shereen

01-30-2006, 03:34 PM

عروس تلد مولدها الأول يوم حفل زفافها !!
وقعت هذه الحادثة الغريبة والمدهشة التي أثارت مجتمع مدينة ( ...... ) بإحدى القري القريبة من محلية ( ...... ) .... وتتلخص في أن أحد أبناء تلك القرية كان في ارض الغربة وبإحدي الدول العربية ممنياً نفسه بعد طول غياب دام لاكثر من عشر سنوات وفكر أهله في زواجه كي يستقر ابنهم بعد عناء غربة طويلة ..
أخته اختارت له إحدي بنات تلك القرية وبذلك كان للقدر دور كبير في تلك المأساة فبعد تم العرس بكل سروره ومشاركة الأهل من كل حدب وصوب وهم فرحون بذلك الزواج ، وعند انتهاء الحفل البهيج غادر العريس وعروسته لقضاء شهر العسل ألا انه وفي منتصف الليل شعرت العروسة بمغص حاد نقلت علي اثره الي المستشفي ليجد العريس نفسه أمام مفاجأة داوية حيث وضعت العروس مولوداً وسط دهشة العريس الذي أخذها وعاد بها لمنزل ذويها في ذهول تام وكانت تلك الحادثة حديث أهل محلية ( ...... ) والقري المجاورة لها . المصدر جريدة الدار ونقلا عن موقع النيلين

سودانى

01-30-2006, 03:38 PM

ربنا يحمينا ..... !!!!!!!!!!!!!!!!!!

المهندس

01-30-2006, 03:54 PM

عليك الله البت دي ما غبيانة...
وقت عارفا نفسا حامل ...المعرسا ليها شنو؟ما تتصرف وتكمل غش في ود الناس!!
اذا ما عارفة ....تكون بالغت!!!
اللهم احفظنا واسترنا في الدارين

بت السرور

01-30-2006, 07:41 PM

لا حول ولا قوة الا بالله

خفيف

01-30-2006, 09:28 PM

لاحولة ولا قوة الابالله
دة كلو بسبب الزواج بدون سابق معرفة لان الزوج المسكين لوكان اخذ فترة خطوبة حتى شهرين اوثلاثة كان الوضع اختلف لاكن الظاهر اتزوج زواج غربة فى بلدو
الله يكون فى عونه

عبد المعز

01-30-2006, 10:09 PM

معقول لم يرى بطن تلك الفتاه وهى حامل ولم بنبهه احد انا لا الوم البنت بل العريس لانه غبى

أبو براءة

01-30-2006, 10:32 PM

اللهم لا شماتة ولكن دة خبر أغرب من الغريب وبما أن العروس من بنات القرية وأن الاختيار كان من اخت العريس كيف فاتت عليها أن تدقق في هذه البنت لان القرية ليست كالمدينة لانها ضيقة وبسهولة يمكن أن تعرف البنت الكويسة وعكسها ويسهل كذلك إنت كانت هذه على علاقة بأحد الشبان أم لا وبعدين الم يلاحظ احد التغيرات التي طرأت على هذه البنت طيلة فترة الحمل . على العموم المسئولية ملقاة على عاتق الجميع اسرة العريس والعريس نفسه لانه رضي بهذا الإختيار الغير موفق ولم يعطى لنفسه الفرصة حتى يدرس الموضوع دراسة تامة لان الزواج ما لعبة الزواج يعتبر ميثاق غليظ ورباط مقدس وعليه تبعات أخري مثل تكوين أسرة وإنجاب اطفال فإذا لم يكن الاساس صحيحاً ضاعت الأنساب وعمت الفوضى وساء كل من جاء على هذه الزيجة من بنات وأولاد .
الأم إن ساءت تسوء بناتها وكذا بنوها والتجارب تشهد

اللهم أسترنا بسترك الاجميل ولا تفضحنا اللهم بين خلقك لا في الدنيا ولا في الآخرة ما معروفاً بالستران .

alfadeely

01-30-2006, 11:05 PM

شى اغرب من الخيال ... وبتعكس واقع مرير وليست ظاهرة .... وما خفي كان أعظم
طيب يا عااالم لو كانت البت ما بتفهم اهلها وووين؟
ودى من الحاجات البتخلى الشاب المغترب يفكر فى العرس اكتر من الف مرة ... عشان ما يجى يقع الوقعة دى ...يا معشر شباب المغتربين اسمعوها مني
يا اخوانا بورة مضمووووونة ولا عرس مجهجه

ود شندى

01-31-2006, 12:03 AM

اللهم احفظنا واحفظ نسائنا وجمبع نساء المسلمين
يارب

مشاكس

01-31-2006, 12:43 PM

معقوله ما ظهرت الكرش ده كلام غريب
العرس لابد منو بورة شنو المضمونه نحنا بايرين من ولدونا
الناس يغطو قدحم وما يحومو للغرباء وعرس الانترنت
:icon_bigg :icon_bigg :icon_bigg
:icon_bigg :icon_bigg
بس خلاس

الحواشي دوت كوم

01-31-2006, 12:53 PM

خبر عجيب، لكن يا كافي البلاء شافع الناس دا كانت صاراهو في توبا؟؟؟
يعني يا قول الجماعة القبلي (كرش مافي؟؟؟)
غايتو (على ذمة الخبر) البت الاختارت غلطانة لأنها ما عارفة أي حاجة عن أساسيات الزواج....
العرس دا قايلنوا ساااكت طواااالي كدي؟؟؟؟
لازم تعرف من تريد (وأسمعوا يا مغتربين عرس الشرائط والعزل من الحفلات المسجلة دا ما صاااح)
والنصيحة دي ما حاااااارة.

shereen

01-31-2006, 03:34 PM

شكرا لى الاخوة الى ارسلوا ردودهم فى هدا الموضوع جميعا وربنا يستر الجميع

abualhassan2005

02-01-2006, 09:05 AM

اللهم احفظنا واحفظ حرماتنا وحرمات المسلمين

الضوى

02-01-2006, 08:51 PM

واحد هبللى عرس وبعد شهرين جابوليهو ولد لمن الناس استغربت قليهم اهه انجهونا!!!!!!!

Khalid3225

02-01-2006, 10:08 PM

دي الامور المخوفانا من الشغلانيية دي ذاته

shereen

02-02-2006, 04:20 PM

اهلا بى كل الشباب اتشرفت بى وجودكم
شيرا

abu_fayza

02-02-2006, 10:00 PM

اللهم أرفع عنا الزناء والبلاء والمحن ماظهر منها وما بطن اللهم عف نســاءنا ونســاء المسلمين وبناتنا وبنات المســـلمين ( آميـــــــــــــــــــــــن يارب)
جوده أبوفائزة

ابراهيم العمراني

02-06-2006, 12:32 PM

تحياتي شيرين

هذا موضوع كبير كجريمة اجتماعية
نتمني ان نسمع اراء القانونيين

راجعين

عنباسي

02-06-2006, 01:13 PM

اللهم اهدي نساء المسلمين

wad berber

03-29-2006, 11:45 PM

الجميع سلام .......................
والله يا اخوانا مرات كدى بحس انه الناس بدت تالف ولا شنو ما بعرف ............
لانه فى مواضيع احيانا تستفذ عقل السامع او القارئى او المتلقى ...
يعنى بالله عليكم والقصه من اولها ......
الاخت يا كافى البلا مشت خطبت ....
العريس جه وتم العرس ....
العروس دى ما رقصت ... ما قعدت بيه فستان زفاف .... النسوان المشوا شافوها .....
والله ده كلام تاليف وتلفيق ....
ومع احترامى ده شى من نسج الخيال من المحرر الصحفى اللى كتب الموضوع ده .....
فا يا اخوانا العزابه ما تشتغلوا با المواضيع الهايفه دى ....
ما فى مجتمع فاضل فى الدنيا دى ...
لكن بناتنا زى الفل ....
ولكل قاعدة شواذ ....
تحياتى واعتزارى ... لكن صراحة ليس من انصار الاستخفاف با العقول ....

ود الجيران

07-11-2006, 11:39 AM

حسبنا الله ونعم الوكيل
مرأياتي
1-البنت غرر بها لأن اللاتي يأتين الزنا يعرفن كل الدروب ولايمكن أن يقعن في
هذا الموقف .
2-أخت العريس أو من إختارت العروس قد تكون مشاركه في التغرير بالفتاة.
3- رضاء بقية الأسره دليل علي حسن سلوك الفتاة سابقا.
أدعوا الله أن يقي نساء المسلمين ويحميهم من صديقات السوء.

ابونضال

07-11-2006, 01:05 PM

كان كدي أحسن الزول يكون مع ناس كركاب والحاج ود الغرب وعبده ابشر واستاذ مهدي وهذه جمعية محاربة الزواج والتعويض عنه بالمجالس الأدبية وكل هولاء مؤدبين أدب جم ولا يحبون التقييد

سودانى

07-11-2006, 03:16 PM

كان كدي أحسن الزول يكون مع ناس كركاب والحاج ود الغرب وعبده ابشر واستاذ مهدي وهذه جمعية محاربة الزواج والتعويض عنه بالمجالس الأدبية وكل هولاء مؤدبين أدب جم ولا يحبون التقييد
ابو نضال كدا بتكون هدمته سنه او رغبت عنها والرسول يقول ( من رغب عن سنى فليس منى )
بالجد موضوعك هذا خطير جدا
ولى عوده

الفاتح الزبيرابي

07-15-2006, 07:33 PM

اللهم استرنا واستر عروضنا يامعروف بالستران يالله

فتح الرحمن خضر

07-15-2006, 08:29 PM

يا جماعه خليكم عاقلين وبلاش تخريف

shereen

04-01-2008, 04:48 PM

مافى حاجة زى دى ودى مجرد قصة وبنات الناس الحافظات انفسهم كتاااااااااااااااااااااااااار

الوتر الباكي

04-01-2008, 05:32 PM

دي واحدة من كم مليون وبنات المغتربين شريفات عفيفات خايفات الله والتعميم ما حلو يا أبو نضال والله يستر على بنات المسلمين جميعاً

suhad

04-01-2008, 08:00 PM

جعلي القوم

04-13-2008, 08:12 PM

ليه كانت حامل بالبلوتوث..
ايه ياجماعة ..
دي كلها اخبار ملفقة الغرض منها تشويه صورة المرأة ..
::cwm21::cwm21::cwm21::cwm21::cwm21:
:cwm21::cwm21::cwm21::cwm21:
:cwm21::cwm21::cwm21:
:cwm21::cwm21:
:cwm21:
اللهم استر بناتنا
هذا هو ناتج لثقافة العولمة وتأخر الزواج وكثرة تكاليف الزواج وعدم تبسيطة
وهناك من تلبس العباءة الفضفاقة حتى تخفي مافي بطنها الصقة قد تكون حقيقية وربما يكون قد صحبها بعض الزيادات.

منير الرباطابي

04-14-2008, 07:40 AM

الله الواحد يأسف أسف شديد!! لما صرنا إليه!! نضيع وقتنا ونضيع جهدنا ونتحدث عن أشياء لا يقبلها المنطق ولا يقبلها العقل أبداً!! بنت حامل وفي شهر الأخير ولم يرى أحد بطنها!!! أي ماذون هو الذي قد اتم (العقد) أي أم عريس أو اخت عريس لم ترأها !!! حتى العريس نفسه ألم يرى انتفاخ بطنها!!! أكيد كل الذين تداخلوا لا يعرفون ما هو الحمل ولا أظنهم قد مروا بهذه التجربة!! أقول كما قال العقلاء هذه حملة وحملة كبيرة على أمهاتنا وأخواتنا وبناتنا معشر النساء خصوصاً السودانية لما تتمتع به من عفة ونزاهة وشرف وحسن عرض!!! السودانية هي الأن المرأة الأولى من حيث المحافظة على شرفها وعرضها!! وحتى الذين يظهرهم الإعلام الآن في صور بشعة نعتبرهم اقلية وأقلية شديدة!!! فمازلات السودانية هي النظيفة والأصيلة حافظة الدين والشرف!!! فالسودانية هي التي تربي الأبناء وأبوهم مغترب منهم سنين!! وهي التي تحملت مسئولية كبيرة في البيت والأسرة والمجتمع كله!!! اتمنى أن لا ننساق وراء هذه المقولات ولابد أن نحرك عقلنا قبل أن نسرد أي موضوع أو أن نشارك في أي موضوع فاللسان مسئولون منه أمام الله عز وجل الله قبل كل شيء!!! وفي اعتقادي البسيط بأن المرأة السودانية تمر بمركة الأن ولن تخسرها بإذن الله !!!

عزالدين جبرا السماني

04-14-2008, 08:29 AM

هذه القصص يا أختي الكريمة أصبحت منتشرة جداً جداً وللأسف أن بعض الناس يرجعون الأسباب للظروف المعيشية ، لكن أرى أن من أهم الأسباب التي تؤدي إلى فعل هذه الأفعال هي قلة الايمان ، وحبذا إن ماتت جوعاً وما فعلت مثل هذا.

بنت بربر

04-14-2008, 09:22 AM

يارب استرنا بسترك الذى لا ينكشف
دنيا واخره

خالد الأهلية

04-14-2008, 10:04 AM

كلام بعيد عن المنطق ،،، لأن الحامل تختلف عن العادية في حاجات ،، كتيرة ،، خاصة الحركة ،، الزول دا ما رقصها .. رقيص عروس ،، ................ أنا في حلم ولا في علم .........................

صلاح مامون

04-14-2008, 10:11 AM

يااااااااااااااااااااااعالم بالعقل 0000000000 مافى شى ظاهر

ود بانت

04-14-2008, 10:31 AM

صلاح مامون

04-14-2008, 10:33 AM

:xxbah::xxbah::xxbah::xxbah::xxbah:
العريس يمكن يكون عمياااااااااااااااااااااااااااااااان يالحبيب

ود بانت

04-14-2008, 10:46 AM

بس فى ناس جنها ما بيستريح اكان ما حشرو المغترب ده فى اي حته
مع انو فى كتيرااااااات ولدن يوم عرسن اوز تانى يوم بس ديك عشان ناس بلد يعنى:icon_roll:icon_roll

منير الرباطابي

04-14-2008, 11:14 AM

بس فى ناس جنها ما بيستريح اكان ما حشرو المغترب ده فى اي حته
مع انو فى كتيرااااااات ولدن يوم عرسن اوز تانى يوم بس ديك عشان ناس بلد يعنى:icon_roll:icon_roll

الحبيب الغالي ود بانت!!! لا أظن من يملك عقل يقتنع بصحة هذا الكلام؟ فهناك هجمة شرسة على المرأة السودانية وعلي المغترب!!! لا تقع في الحفرة يا ود بانت أنت الكبير أنت العاقل المستنير !! ولا رائك شنو يا بقة...

ود بانت

04-14-2008, 11:32 AM

العريس يمكن يكون عمياااااااااااااااااااااااااااااااان يالحبيب

ياتو فى العرسان ؟؟؟؟؟
ياخ انت كبرت وشِبتا باقى لي !!!!!!
ده باص ولا هيثم مصطفى بس ضيعتو :xxbah:

ود القدواب

04-14-2008, 12:10 PM

اللهم لا اعتراض في حكمك
سبحان الله

ود القدواب

04-14-2008, 12:11 PM

هو الزول ده مافكر لى بطنها
ولا فكر لى حاجة تانية
عجايب والله

shereen

04-14-2008, 07:37 PM

الموضوع صعب التصديق واتمنى فعلا مافى زول يمر بى تجربه زى دى لو فعلا حصلت

صلاح مامون

04-14-2008, 07:39 PM

الموضوع صعب التصديق واتمنى فعلا مافى زول يمر بى تجربه زى دى لو فعلا حصلت

كيف يعنى من ناس بربر ما تخااااااااااااااااااااافى

shereen

04-14-2008, 07:46 PM

الموضوع صعب التصديق واتمنى فعلا مافى زول يمر بى تجربه زى دى لو فعلا حصلت
كيف يعنى من ناس بربر ما تخااااااااااااااااااااافى

لا ما بقصد من ناس بربر يا صلاح اى انسن بقبل على الزواج بى نيه طاهرة وقلب صافى ما يتعرض لى المشاكل الفارغة دى لانو دى بتخلى الناس تفقد الثقة فى بعض

صلاح مامون

04-14-2008, 07:52 PM

بس ياشيرين كان قلنا عميان ما عندو حبوبة تجيب التسالى للعزوس:icon_lol:

محمد طرمبا

04-14-2008, 10:10 PM

كويس أنه طلع عاقل ورجع بيها لأهلها

صلاح مامون

04-14-2008, 10:11 PM

هى دى خلت فيهو عقل يالحبيب