اغيثونى من ( ال ز وال ذ)

[suad]

والله بقيت اتعقد ياجماعه .. كدى يا ناس العربى ورونى اعمل شنو ....
عندى حول فى حرفى ال ز وال ذ ... الناس مفتكرينها بلادة لكن هى مشكله حقيقية من كنت طفلة بتعلم فى الحروف
مشكله ذى مشكلة الشرق والغرب واليمين والشمال عند بعض الناس وذى مشكلة ال س وال ث ومشكلة ال ق وال غ
العندو طريقة لحل المشكله دى يورينى
ا

[مشاكس]

النزير الحق البت دي
:icon_bigg :icon_bigg

[suad]

النزير الحق البت دي
:icon_bigg :icon_bigg
الله يجبر بخاطرك يا مشاكس العبرتنى
لا النزير ولا غيرو ما قالوا لى عينك فى راسك.... شكلهم كدا كلهم عندهم مشاكل ذى دى

[ابراهيم العمراني]

دا كلام شنو دا ياسعاد ؟!
:icon_roll :icon_smil :icon_bigg

[ابونضال]

يا سعاد المشكلة بسيطة بس تمرينات في تطبيق قاعدة مخارج الحروف لأن اللسان بيتمرن

[suad]

دا كلام شنو دا ياسعاد ؟!
:icon_roll :icon_smil :icon_bigg
تصدق يا عمرانى !!!! حاتى صعبه مش كدا؟
لكن مع دا كلو ذوق .. ولذيذة .. وذكيه... وذواقة .. ومذهلة للحد البعيد .. وفينى كل ال ز وال ذ فى الدنيا

[ابو الخير]

:icon_roll :icon_roll :icon_roll
بيني بينك دي حاجات فعلا مذهلة

[العبيدية]

انتى اتربيتى فى الشرق وناس الشرق عندهم مشاكل فى الحروف

[nazeer]

والله بقيت اتعقد ياجماعه .. كدى يا ناس العربى ورونى اعمل شنو ....
عندى حول فى حرفى ال ز وال ذ ... الناس مفتكرينها بلادة لكن هى مشكله حقيقية من كنت طفلة بتعلم فى الحروف
مشكله ذى مشكلة الشرق والغرب واليمين والشمال عند بعض الناس وذى مشكلة ال س وال ث ومشكلة ال ق وال غ
العندو طريقة لحل المشكله دى يورينى
ا
أرجح ما قاله بعض الأخوة عن تمرينات مخارج الحروف وهذا هو المخرج العلمي والمفيد في كيفية نطق الزين والذال.
لكن قبل ذلك هناك مشكلة لمعظم السودانيين في هذين الحرفين وكذلك حرفي السين والثاء.
فالزين كما هو منقول هنا
{ الزاي أو الزين: حادي عاشر حروف اللغة العربية حسب ترتيبها الشائع، والثالث عشر حسب ترتيب الخليل بن أحمد في كتابه "العين" والتاسع عشر حسب ترتيب سيبويه، والسابع في ترتيب "أبجد هوز" وقيمتها في حساب الجمل 7 سبعة.
والزين حرف أسلي، "مبدأه من أسلة اللسان"، (أسلة اللسان، طرفه) والحروف الأسلية ثلاثة هي: الصاد، والسين، والزين، وهي حرف مجهور (يحبس النفس أن يجري معه عند نطقه) نصيبها من الطباع حار رطب "طبع الهواء".}منقول.
هذا يوضح أن الزين ينطق بواسطة مقدمة اللسان مثله مثل السين أي أنطباق السنان علي بعضها وتمرير الهواء عبرهما ليخرج لنا حرف له موسيقي سينية اي يشبه صوت الحية.

أما الذال فهو حرف يتم نطقه بواسطة أخراج مقدمة اللسان خارج الفم قليلا ويشبه حرف الثاء في طرق مخارجه.
ولنا عودة.

[عذابي معاك]

الاخت سعاد
انا قريت قبل كدا مشكلة شبيه لمشكلتك وبيكون الحل فيها هو التدرب علي كلمات غريبة تحمل هذه الحروف ودا كلام علمي ومجرب ونجح في علاج كثير من الحالات وخاصة عن الاطفال بس الشي الانا ما عارفاه هل ينفع في الناس الكبار برضو .................؟
الرجاء العندو المعلومة كاملة يفيدنا

[katah]

اشربي المويه من الجمامه بالكرف

[suad]

ابو نضال/ عذابى معاك: احاول اتمرن شكرا لمشاركتكم واقتراحكم
ابوالخير: شفت كيف!!!!!
العبيدية: ممكن برضو ....
katah: والله ما فهمت حاجة

[suad]

الاخ النزير: لك شكروتقدير لافاداتك القيمة يا استاذ
بالجد استفدت من توضيحك .... كدى لاحظ لى كتبت اسمك صاح؟

[katah]

الجمامه حفره قريب رحراح النهر في الرمله تجم بالماء اي تتملي ماءا
والكرف غرفه باليد بفتح الغين

[ابو الخير]

والكرف غرفه باليد بفتح الغين
:icon_bigg :icon_bigg :icon_bigg
يعني بالغين والا بالقاف

[ودالشقلة]

الأخت سعاد لك التحية
شوفي الكلمات دي ممكن تساعدك في تمارين مخارج الأحرف:ــ

زول 0 بكل ما تحمل الكلمة من معني
زولة 0
زينب 0 توب زينب
زرافة 0 حيوان مضرب المثل في طول العنق
زائير 0 يا أحلي جارة
زائر 0 طيف زارني ومضي
زمان 0 الناس هداوة بال وأنت زمانك الترحال
زين 0 يا زين الناس
زين 0 في رواية عرس الزين
زلمي 0 الشام يا أخت بلادي يا صديقة ... زلمية

ذنب 0 نسأل الله أن يغفر ذنوبنا جميعا
ذيل 0 العندو الحنة يحنن ضنب حصانو
ذوبان 0 تاجر الملح ذوب الملح في الترعة
ينفذ 0 خطط حكومية فاشلة في التنفيذ


وأخيرا نزار ونذير 0 أصدقاء أعضاء المنتدي

[samaher]

أهلاً أخت سعاد :icon_razz
مشكلتك مشكله بسيطه وزي ما قالوا الأخوان أنتي محتاجه للتمرين للسان
وأتمنى مشكلتك تنحل
تحياتي

[nazeer]

كفية النطق الصحيح ؟؟؟؟؟
هذا مدخل لعلم الأصوات ... سارعوا في وضع عناوين بارزة ..

[محمدطاهرالعباس]

ياسعاد تحياتى لك : ماتفكرى تجى تشتغلى معانا لحدى ماتطرقى لسانك ،

[ودالشقلة]

ياسعاد تحياتى لك : ماتفكرى تجى تشتغلى معانا لحدى ماتطرقى لسانك ،

كتار الدايرين طريق لسان خليك جاهز.