زمن الفوارس راح مع ناسوا

[ود حماد]

بسم الله الرحمن الرحيم
مسرحية المك نمر
مسرحية المك نمر من المسرحيات الرائعة وهى تدعو إلي الوحدة الوطنية؛ والمسرحية بها متعة رائعة وذلك في إطار التثقيف مع دراسة رائعة للعمل
وماجعلنى أن اكتبها لكم هو الفرق بين جيل الأمس وجيل اليوم فنحن بعيدين كل البعد من (طه ؛ وريا) الزمان..
ريا تجلس على "بمبر" وفى يدها مغزل شعر تلبس ثوباً تربط نصفه حول خصرها وتسبغ الباقى علي رأسها بادية الخشونة وتغنى لنفسها وهي تقول وتغزل ...
طه يصحو فزعاً ويتناول سيفه ويقول أخوك ياريا ...
أخوك ياريا أخوك وكت الخيول يتدبكن
أخوك ياريا أخوك وكت الرماح يتشبكن
كم بكيت وكم قشيت دموع الببكن...
تقول ريا:وراك اسود على مانمت أسع طيب
طه: بسم الله قولي أخوك طيب طيب
شديد ونصيح وحاضر قلبو ماهو مغيب
الا الشفتو فى النوم من هوايله يشيب
الزول في صحاه مكتوب عليهو شقاهو
وان قمد شويه تجي الهموم لاحقاهو
الصف اللبوس انا مابخافو لقاهو
ياريت الحلم في صحايا كان بلقاهو
كان خير كان شر برجاهو مابهم بالي
حارسني الثبات من الكبار قبالي
وكت حسيت وشفتك سالمة قاعدة قبالي
كان أتلخيت الكون تاني ماني مبالي
ريا : كعب نوم النهار امس العصير كت نايمة
رأيت قدام فريقنا اشوف صقوراً حايمة
كبيرن غار علي من نومي تبيت قايمة
طه : وانتي كمان رأيتي صقور عبارة غريبة
علامتنا كافية ظنيت الحكاية قريبة
هاك مني الصحيح المابتدخلو الريبة
هادي الحلة بي عيني اشوف تخريبها
ريا : تف الشينة ليه فاجعني ليه ياطه
انت الدخري وانت الكاشفة ياك غطاها
كان الدنيا هادي العقبة تتخطاها
مابضلل سماها ومابشيلني وطاها "وتبكي"
طه: مابفيد البكاء وكلامي احسن تنسي
ريا: :كيف ماأبكي وافوت مراتع أُ نسى
أفقد كل شيء عزى ورجالي وجنسي
تطلق فوقي نار عقبال تقول لي انسي
ماببكي الفريق ببكي الرجال قبال
شن طعم الفريق مابيوت شقاق وحبال
خرابن وانتو حيين مابمر بالبال
الا يقع كتالاً بعده تلقي وبال
طه: فال الخير أخير ماشفنا شيتن جدت
كل الشفنا احلام في طريقها عدت
قبل الليلة ايد لحمانة قط ماأتمدت
مابنهد شرفنا لو السماء انهدت

في الختام أقول ياريت لو كل الرجال كانوا زى طه وكل النساء كانت زى ريا؛ بهذا يكون مجتمعنا اليوم أقوي مجتمع عربي نتفاخر به مع جميع الدول العربية الي ماعندهم لاريا ولا طه..
نزار حماد عثمان
بربر الهجانة
تلفون:0918045146

[ودالنيل]

واصل يا نزار
وكمل لينا المسرحية كلها .
مشكور....

[محمد التجانى]

المسرحية جميلة جداً لانها تحكى عن الشجاعة والمرؤة التى اصبحت مفقوده فى زماننا الحالى لا لشى سوى تلك التربية الفدرية والإنانية التى نربى عليها اولادنا .....
فقل لى بربك كم من امراة تربى ابنائها على فعل المكارم من الخلال لترفع راسها عالياً وتقول انا ام فلان!!.........
وهل هنالك من يسعى لفعل المكارم مثما يفكر الكثيرين فى كيف يححقق ذاته فقط دون النظر الى الكمال والشيم الجميلة والموروثة وحضارتنا السمحة التى تدعو الى الخلال الحميدة ومنها الشجاعة!!! تلك البضاعة التى لم تجد من ينظر فى امرها !...لا ننكر ان اهل البلد موجودون ويتحلون بتلك الشيم إلا انها قلت كثيراً ولكن هل من سبيل لإحيائها وكل المواريث الجميلة التى لا يتحلى بها إلا الشعب السودانى!!.
نرجو المزيد والمزيد من التغيير نحو الإفضل
ولكم الشكر والتحية؛؛؛

[ابونضال]

يا نزار الرجال في كندا وأسأل شيخ حسن ونرجو مواصلة المسرحية ونهديها للأخ الراو

[ود حماد]

سأواصل إنشاء الله لكن شيخ حسن يأستاذ ماعرفتوا منو؛؛؛
وشكراً

[ابونضال]

حسن الترابي