المساعد الشخصي الرقمي

مشاهدة النسخة كاملة : ودجار النبي ومرافعة البعوض

ودالشقلة
07-12-2006, 01:51 PM
رفع علي جار النبي دعوي ضد انثي البعوض ... وبعد اتمام البلاغ قامت شرطة الباوقة بمحاصرة كل الأحياء من الجرانيس والعمارة والنمر و.......الخ ولم تحصل علي اي انثي لليعوض .
واخيرا ان اناث البعوض خرجن في مظاهرة للمشاركة في يوم المرأة العالمي للمطالبة بحقوقهن.
المهم تم اخذ الأقوال وكل القرائن والأدلة علي سطو هذه الأنثي البقيضة علي علي جار النبي .
ورفعت الجلسة حتي تتم معاينة كل الأماكن والقبض علي الجاني.
رفعت الجلسة !!!!!
ودالشقلة
07-12-2006, 01:52 PM
وتم التحقق من أن الأنثي تسمي الأنوفلس .
علي جارالنبي
07-12-2006, 05:35 PM
"]الأخ العزيز عبد الماجد ( ود الشقلة )
حباً ووداً ومحبة
تحية لك يا أصيل ......
والله ما تتصور .... هي خلتني أصل الباوقة ...؟ علي اليمين من الخرطوم هذه الأنثى ( الأنوفلس ) بدأت في ممارسة هوايتها ، بس ما سمعت ود جارالنبي جاء جابت معاها راجلها ينوني وهي تعضعض ( سألت ياجماعة الحكاية أشنوة قالوا لي ( دا كترت شوق .. هو الما مشتاقاليكن في البلد إشنوه؟ .. حتى الطير في السماء مشتاق ليكن ) قت ليهم ( شوق الشوق دا شقاوة شديدة ) .
يازول قمت بذلت لها المطارف والحشايا فمضغتها ونخرت في عظامي .لامن المرحلة وصلت العضم يازول الجماعة نصحوني قالوا لي رد عليها بالراجمات ( حبوب جديدة ) يازول قلت مافي داعي .. برضو يكون عندي دم شويه . يعني معقول هي جايبها الشوق أنا أقوم أضربها بالراجمات كدي الأصبر عليها شوية يمكن تحن والله أقوم بمساعي حميدة حتى أتمكن من تحييدها . لكين لقيتها سادرة في غيها .
ما أطول عليك لامن وصلت الباوقة الحكاية حرت في تب قمت رفعت دعوى على طول أمام السلطات المختصة هناك ( طبعن متخصصين في مثل هذه الدعاوى ) .وبعد الإنتهاء من التحريات والتحقيق وعلى حسب ما تضمنه أورنيك (8) ثبت بما لا يدع مجالاً للشك بأنّ هناك فعل مجرم قد تمّ إقترافه في حقي . وبدأ البحث عن الجاني الذي لم نجد له أثر رغم كثرت المشتبه فيهم .
أخيراً نما لعلم المحكمة أن إصابتي بدأت قبل الوصول للباوقة فتمّ إحالة الدعوى لمحكمة بحري حيث أن محكمة الباوقة غير مختصة ذلك لإرتكاب الفعل خارج دائرتها ، الشئ الذي جعل تجمع إناث البعوض بمنطقة الباوقة يعقد مؤتمراً أنفلوسياً جامعاً حضرته كافة إناث البعوض فخرجن في مظاهرة عارمة للمطالبة بحقوقهن وهنّ يدفعن بأنهن عندهن دم( كتيييييييييييير ) مامكن يقومن بي عمل مشين كهذا.
الجدير بالذكر وجدن من يناصرهن على ذلك ( عدالة قالوا ....) ما جعلهن يظهرن جهاراً نهاراً على عينك ياتاجر يمارسن مصّ الدماء ( والله حقيقة الإستحوا ماتوا .....)[/COLOR]
أبن مدني
07-12-2006, 05:47 PM
يا جماعة شوفو مرافعة العوض بقت قصة حب عجيبة بين لأدعاء وهيئة الأتهام وتحاول الأنوفلس أن ترمي يجريمتها علي مقولة الحب العذري... وتترك شواهد الكلوروكين المضروب ومزارع البرك التي يشيدها حرامية العاصمة والولاة.
مع تحياتي حتي الجلسة القادمة.
الحواشي دوت كوم
07-12-2006, 06:17 PM
بعد إذن سعادتكم وأنا باعتباري الشاهد الأول ونظرا لقربي من مسرح الجريمة فألتمس من سعادتكم أن تؤجلوا هذه الجلسات لحين حضور المعروضات التي استخدمدتها المجرمة في فعلتها وهي:
إبر حقن قديمة, مشروب الكلوروكوين, أسلحة راجمات.
كما أكد الشاهد الثاني أنه رأي خمسة أفراد من مليشيات الأنوفليس وهي ترفع ناموسية ود جار النبي للسماح للبقية بالدخول والصراخ مما يعتبر مخالفا للقانون/إزعاج عام/
وشكرا
ودالشقلة
07-12-2006, 10:06 PM
بعد إذن سعادتكم وأنا باعتباري الشاهد الأول ونظرا لقربي من مسرح الجريمة فألتمس من سعادتكم أن تؤجلوا هذه الجلسات لحين حضور المعروضات التي استخدمدتها المجرمة في فعلتها وهي:
إبر حقن قديمة, مشروب الكلوروكوين, أسلحة راجمات.
كما أكد الشاهد الثاني أنه رأي خمسة أفراد من مليشيات الأنوفليس وهي ترفع ناموسية ود جار النبي للسماح للبقية بالدخول والصراخ مما يعتبر مخالفا للقانون/إزعاج عام/
وشكرا
أستأنفت الجلسة .....
حضو ر هيئة الدفاع والأتهام ...
الدفاع يطعن في أقوال الشاهد ويؤكد أن الأصابة تمت خارج نطاق الولاية الجغرافي.. كما تمسك بحق موكله بالتعويض عن الأضرار النفسية ورد الشرف.
قاطعه محامي المصاب مؤكدا ان الأنوفلس ارسلت بناتها خارج الحدود لأخفاء هذه التهمة والتستر بالجريمة ... واكد علي وجود الادلة وبعض المعروضات مثل تذاكر القطار عليها اسماء الأنوفلس الآيئ ذهبن الي مطار الخرطوم وكذلك الصور بالسي دي لحطة هبوط الطائرة....كما استدل بزيارة السيدة بطرس للباوقة وقضاؤها علي كل اليرقات والشرانقبواسطة الطرق الحديثة... مما دفع الملكة لأرسال جنودها واصطياد الضحايا خارج حدود المملكة...
رفعت الجلسة الي حين التحقق من الأدلة..
علي جارالنبي
07-13-2006, 08:27 AM
أفادني المحامي الذي كلفته بمتابعة القضية بعد إحالتها لمحكمة بحري ، أنه بصدد إستئناف قرار محكمة الباوقة والقاضي بإحالة الدعوى لمحكمة بحري لغرض إلغاء القرار وإعادة الأوراق لمحكمة الباوقة ومواصلة سير الدعوى أمامها ، ذلك لتأكده بأنّ الجناة يشكلون وحدة واحدة ، وحيث أنّ الفعل واحد ولا توجد حدود جغرافية لولاية البعوض . بدليل أنّ المؤتمر الجامع الذي عقد من قبل قد حضرته كافة فصائل الأنوفلس التي كان شعارها ( الوحدة من أجل مواجهة الخطر ) .
محامي شاطر والله ... واصل يا أستاذ وإنتو أهل الدراية بالأمر
راجع بنك الخرطوم لإستلام جزء من الأتعاب
صدق المثل القال ( أدِي الخبز لي خبازة ..............)
تحياتي ...................
علي جارالنبي
07-13-2006, 08:53 AM
أما ما جاء من أمر المعروضات (إبر حقن قديمة, مشروب الكلوروكوين منتهي المدة , والراجمات التي أدى إستعمالها لترك آثار إشعاعية بالمنطقة ) . فهذا شأنٌ آخر ينطوي على دعوى مستقلة سيقوم المحامي بمباشرة إجراءآتها أمام المحكمة المختصة بعد تحديد الجهة المسؤولة بدقة، خاصة أنّ هناك تسيّب واضح في عدم تحديد المسؤليات وهذا أمر سائد في كافة الدوائر العامة .
أرجو من الأخ ( الحواشي دوت كوم ...مقابلة الأستاذ البشاري ( محامي الإتهام ) وتزويده بالمعلومات المطلوبة لإقامة هذه الدعوى بأسرع فرصة .. دي قضية فيها تعويض ....
( العوض علي الله )
ودالشقلة
07-13-2006, 10:06 AM
أفادني المحامي الذي كلفته بمتابعة القضية بعد إحالتها لمحكمة بحري ، أنه بصدد إستئناف قرار محكمة الباوقة والقاضي بإحالة الدعوى لمحكمة بحري لغرض إلغاء القرار وإعادة الأوراق لمحكمة الباوقة ومواصلة سير الدعوى أمامها ، ذلك لتأكده بأنّ الجناة يشكلون وحدة واحدة ، وحيث أنّ الفعل واحد ولا توجد حدود جغرافية لولاية البعوض . بدليل أنّ المؤتمر الجامع الذي عقد من قبل قد حضرته كافة فصائل الأنوفلس التي كان شعارها ( الوحدة من أجل مواجهة الخطر ) .
محامي شاطر والله ... واصل يا أستاذ وإنتو أهل الدراية بالأمر
راجع بنك الخرطوم لإستلام جزء من الأتعاب
صدق المثل القال ( أدِي الخبز لي خبازة ..............)
تحياتي ...................

أثبتت الفحوص المختبرية أن الأنوفلس التي هاجمت المجني عليه كانت محصنة بشدة ضد عقار الكلوروكوين مما يثبت أنها من خارج حدود الولاية ... مما يسهل عملية نقل الدعوي الي بحري حيث يتمتع بعوض الباوقة بعدم حصانته ضد هذا العقار ... لذا يبدأ البحث مجددا في دواففع ارسال هذا السرب الي مطار الخرطوم وفقدانه لهذه المناعة .... ويؤكد خبراء الطب الوبائي أن كل الأنوفلس المهاجرة سرعان ما تندمج وتتأقلم مع رصيفاتها العاصميات ... وهذا يسهل مهمة البحث في الدوافع بعد اثبات الهجرة فعليا الي هناك...
ترفع الجلسة حتي يوافينا مندوب وزير الصحة بالبيانات المفيدة.
ودالشقلة
07-13-2006, 10:16 AM
طالعتنا صحف اليوم بمقالات مفاذها تضليل الرأي العام وتروج لأحقية البعوض في العيش وأن كان علي حساب دم الغير ...
وهذا يساعد في التمسك بكل الحقوق المدنية للمجني عليه لأن الصحافة هي الأخري تساند كل باطل وتبتعد عن أحقاق الحق...
wad berber
07-13-2006, 12:19 PM
بعد مداولات طويله مع ( يان بروك ) مسئول الامم المتحده فى الخرطوم بشأن القضيه وكان متابعا لها
عن قرب وبعد مشاوراته ورفع تقرير وافى عن القضيه لمجلس الامن . اتفق الاعضاء با الاجماع
ان ماحصل فى ولاية نهر النيل با السودان عمل ارهابى تقوم به ( اناث بعوض محجبات ) وهذه اشاره
بأن وراء هذا العمل ( القاعده ) ولذا قرر المجلس رفع الجلسه الى حين وصول مبعوث الامم المتحده
للباوقه وفريق القضاء من محكمة الجزاء الدوليه .
ونواصل .......
سودانى
07-13-2006, 07:10 PM
"]أخيراً نما لعلم المحكمة أن إصابتي بدأت قبل الوصول للباوقة فتمّ إحالة الدعوى لمحكمة بحري حيث أن محكمة الباوقة غير مختصة ذلك لإرتكاب الفعل خارج دائرتها ، [/COLOR]
لقد اخطأت المحكمة اذا احالت الدعوى لان القانون اشار الى انه تكون المحكمة مختصة اذا تم الفعل الاجرامى او جزاء منه او انسحبت اثاره فى دائرة اختصاصها
ولنا بقيه
سودانى
07-13-2006, 07:13 PM
بعد مداولات طويله مع ( يان بروك ) مسئول الامم المتحده فى الخرطوم بشأن القضيه وكان متابعا لها
عن قرب وبعد مشاوراته ورفع تقرير وافى عن القضيه لمجلس الامن . اتفق الاعضاء با الاجماع
ان ماحصل فى ولاية نهر النيل با السودان عمل ارهابى تقوم به ( اناث بعوض محجبات ) وهذه اشاره
بأن وراء هذا العمل ( القاعده ) ولذا قرر المجلس رفع الجلسه الى حين وصول مبعوث الامم المتحده
للباوقه وفريق القضاء من محكمة الجزاء الدوليه .
ونواصل .......
ود بربر الامر دا داخلى طوالى قمت دولتها
بعد اعمليك جماعه وليها مطالب (تهميش ، تجويع ، إطضهاد ، ..........................)
وخش الغابه
يجيك على عثمان للتفاوض كدى جرب اذا نجحت بقينى الناطق الرسمى
علي جارالنبي
07-17-2006, 01:02 PM
بعد مداولات طويله مع ( يان بروك ) مسئول الامم المتحده فى الخرطوم بشأن القضيه وكان متابعا لها
عن قرب وبعد مشاوراته ورفع تقرير وافى عن القضيه لمجلس الامن . اتفق الاعضاء با الاجماع
ان ماحصل فى ولاية نهر النيل با السودان عمل ارهابى تقوم به ( اناث بعوض محجبات ) وهذه اشاره
بأن وراء هذا العمل ( القاعده ) ولذا قرر المجلس رفع الجلسه الى حين وصول مبعوث الامم المتحده
للباوقه وفريق القضاء من محكمة الجزاء الدوليه .
ونواصل .......
واضح هناك محاولات لتدويل هذه القضية الشئ الذي من شأنه فتح شهية لتدخل أجنبي وإحالة الدعوى لمحكمة الجزاء الدولية وحيث أننا لسنا جزء من نظام هذه المحكمة وإستناداً على سابقة رفض الولايات المتحدة للإنصياع لهذه المحكمة ( علي الطلاق في التلاتة لن تُحال هذه الدعوي للمحكمة الدولية ) معليش أن تُحال الدعوى لي بحري ماعندنا مانع إذا ثبت ما دفع به محامي الدفاع من قبل في هذا المنحى .
محكمة الجزاء الدوليه قال ..!!!!
كمان دايرين تضيعوا حقنا وتشتتونا بره البلد . هو نحن داخل بلدنا مو عارفين شئ ...
علي جارالنبي
07-17-2006, 01:11 PM
الأستاذ المأمون ..
إنت ما وصلت والله أشنوه يا خوي ؟؟
الجماعة منتظرنك تنضم لهيئة الإتهام
أسرع قبل القضية ما تمرق من إيدنا
قالوا دايرين يدولوها .
والمساعي جارية لتحديد الناطق الرسمي لوفد الطرف الثاني الذي أعلن الخروج عن النظام الوطني ( يعني إتمرد عدييييييييييييييييل) ودخل الغابة( بس أريتا غابة السرور( منقة وبرتكان ونخيل ) علي اليمين ديل إن أخدوا الموسم دا في الغابة ما يفضلوا فينا نقطة دم . ونبقى ناس ماعندنا دم تاني ......
ودالشقلة
07-17-2006, 02:23 PM
قررت المحكمة الأستماع الي صحيفة الأدعاء الختامية وهي كما يلي :-

نتقدم للمحكمة الموقرة بتطبيق كل البنود الخاصة بالقضية رقم ( 232) لسنة 2006 م والخاصة بمحاكمة كل انواع البعوض التي تسببت في الحاق الضرر المادي والمعنوي لموكلي والذي يتمثل في صرف مصاريف طائلة في العلاج وحرمانه من زيارة اقاربه وجيرانه ولاسيما اصدقائه ... كما نتوسل للمحكمة استدعاء وزيرة الصحة الأتحادية والأقليمية ومساءلتهم عن عدم ردم البرك والمستنقعات وكيفية استيراد ادوية غير فعالة مثل الكلوركين والراجمات... ونتقدم اليكم بالتعويض عن كل الأضرار الناجمة اثر ذلك.
وشكرا.
علي جارالنبي
07-17-2006, 03:48 PM
قررت المحكمة الأستماع الي صحيفة الأدعاء الختامية وهي كما يلي :-
نتقدم للمحكمة الموقرة بتطبيق كل البنود الخاصة بالقضية رقم ( 232) لسنة 2006 م والخاصة بمحاكمة كل انواع البعوض التي تسببت في الحاق الضرر المادي والمعنوي لموكلي والذي يتمثل في صرف مصاريف طائلة في العلاج وحرمانه من زيارة اقاربه وجيرانه ولاسيما اصدقائه وشكرا.

"]
تسلم ياود الشقلة ..... والله طمنتنى الله يطمنك
بس التعويض دا أهمّ حاجة.........................
و في حاجة مهمة جداً جداً جداً جداً جداً جداً جداً جداً جداً جداً .
الحكم لمن يصدر لازم يُنشر في كافة الصحف السيارة وفي الغازيتا ( الجريدة الرسمية ) كمان ، عشان الجماعة يعرفوا السبب الخلاني ما أصل ليهم والله أرجع لهم تاني ( ياخي والله أنا اللوم قاعد يحميني النوم عديييييييييييييييييييييييييييييييييل) .
بس يارب المحكمة تقبل الطلبات دي كلها .
بعدين عندي ليك مفاجأة .. غير الأتعاب المتفقين عليها ( أبشر أنا أخوك ) .
المهم أنت تابع كويس ( ما ك داير ليك وصية ) لأنُو في مؤامرة قد تؤدي لتدويل القضية ، وإنتو أهل الدراية والعلم والمعرفة ماذا يعني التدويل .. أعمل حسابك يا أستاذ
بعدين يا أستاذنا الجليل أنا طبعاً كلفت من قبل بعض الزملاء للمتابعة معكم ووصيت الأستاذ المأمون للإنضمام لكم ، هذا للعلم ( طبعاً كلكم زملاء ....) آمل ألا أكون أخطأت التقدير في الأمر .
مع وافر الشكر والتقدير على حسن تعاونكم معنا .[/COLOR]
علي جارالنبي
07-17-2006, 04:01 PM
قررت المحكمة الأستماع الي صحيفة الأدعاء الختامية وهي كما يلي :-
.................................................. .................................................. .................................................. ................. ... كما نتوسل للمحكمة استدعاء وزيرة الصحة الأتحادية والأقليمية ومساءلتهم عن عدم ردم البرك والمستنقعات وكيفية استيراد ادوية غير فعالة مثل الكلوركين والراجمات... ونتقدم اليكم بالتعويض عن كل الأضرار الناجمة اثر ذلك.
وشكرا.

الإستاذ / ود الشقلة
بس أمسك لي قوي في وزارة الصحة دي .... البلاوي دي كلها منها
وأنبه للإستعانة بمنظمة الصحة العالمية وبرنامج مكافحة الملاريا وأطباء بلا حدود
ناس الوزارة ديل دايرلهم شهود دوليين ( أخخخخخخخخخخخخ دوليين دي والله بقت تخلع
خليهم اليتخلعوا .... يخلعن الله ديل من البي يسوا فيها .
nazeer
07-17-2006, 04:03 PM
"]
تسلم ياود الشقلة ..... والله طمنتنى الله يطمنك
بس التعويض دا أهمّ حاجة.........................
و في حاجة مهمة جداً جداً جداً جداً جداً جداً جداً جداً جداً جداً .
الحكم لمن يصدر لازم يُنشر في كافة الصحف السيارة وفي الغازيتا ( الجريدة الرسمية ) كمان ، عشان الجماعة يعرفوا السبب الخلاني ما أصل ليهم والله أرجع لهم تاني ( ياخي والله أنا اللوم قاعد يحميني النوم عديييييييييييييييييييييييييييييييييل) .
بس يارب المحكمة تقبل الطلبات دي كلها .
بعدين عندي ليك مفاجأة .. غير الأتعاب المتفقين عليها ( أبشر أنا أخوك ) .
المهم أنت تابع كويس ( ما ك داير ليك وصية ) لأنُو في مؤامرة قد تؤدي لتدويل القضية ، وإنتو أهل الدراية والعلم والمعرفة ماذا يعني التدويل .. أعمل حسابك يا أستاذ
بعدين يا أستاذنا الجليل أنا طبعاً كلفت من قبل بعض الزملاء للمتابعة معكم ووصيت الأستاذ المأمون للإنضمام لكم ، هذا للعلم ( طبعاً كلكم زملاء ....) آمل ألا أكون أخطأت التقدير في الأمر .
مع وافر الشكر والتقدير على حسن تعاونكم معنا .[/color]
يا اخوانا ادونا فرصة ندافع عن الأنوفلس التي طلبت من المحكمة الأفراج عنها الي حين صدور الحكم النهايء وهي تطالب بحق العيش طالما هناك برك وهذا تقصير من الأدارات الصحية.. فنطلب من المحكمة ان تستدعي كل الأجهزة الصحية ومنظمة اطباء بلا حدود وتسائلهم عن هذا التقصير وكذلك منظمة الأغذية العالمية التي لم توفر العيش الكريم للبعوض واشباهه.
أبن مدني
07-17-2006, 04:23 PM
"]
تسلم ياود الشقلة ..... والله طمنتنى الله يطمنك
بس التعويض دا أهمّ حاجة.........................
و في حاجة مهمة جداً جداً جداً جداً جداً جداً جداً جداً جداً جداً .
الحكم لمن يصدر لازم يُنشر في كافة الصحف السيارة وفي الغازيتا ( الجريدة الرسمية ) كمان ، عشان الجماعة يعرفوا السبب الخلاني ما أصل ليهم والله أرجع لهم تاني ( ياخي والله أنا اللوم قاعد يحميني النوم عديييييييييييييييييييييييييييييييييل) .
بس يارب المحكمة تقبل الطلبات دي كلها .
بعدين عندي ليك مفاجأة .. غير الأتعاب المتفقين عليها ( أبشر أنا أخوك ) .
المهم أنت تابع كويس ( ما ك داير ليك وصية ) لأنُو في مؤامرة قد تؤدي لتدويل القضية ، وإنتو أهل الدراية والعلم والمعرفة ماذا يعني التدويل .. أعمل حسابك يا أستاذ
بعدين يا أستاذنا الجليل أنا طبعاً كلفت من قبل بعض الزملاء للمتابعة معكم ووصيت الأستاذ المأمون للإنضمام لكم ، هذا للعلم ( طبعاً كلكم زملاء ....) آمل ألا أكون أخطأت التقدير في الأمر .
مع وافر الشكر والتقدير على حسن تعاونكم معنا .[/color]

دايرين حقنا من التعويضات دي ...
علي جارالنبي
07-17-2006, 05:16 PM
دايرين حقنا من التعويضات دي ...
ود مدني .... حقك علي ومحفوظ والله بالزايد كمان (بس نسق مع الأستاذ ) وثبت لينا نزار دا شايفه داير يلخبط الحكاية ياخي ويجوطها .
بعدين يا نزار دي قضية مستقلة بذاتها ياخي ، و الجناة ديل لو فكوهم نلقاهم وين تاني ؟؟؟؟ ديل بيطيروا ياخي .
بعدين قضية وزارة الصحة دايراليها سك ( يمكن سكسك يقدر يسكها لينا أصلوا شايفو قاعد ساكت الأيام دي ) . المرة دي ألحقوها قبل ما يقيلوها ، إصلها هي المسؤولة عن الخرمجة الحاصلة داخل وزارة الصحة .

آخر خبر
وزيرة الصحة تتهم جهات بالسعي لإقالتها
وقالت تابيتا( وزيرة الصحة ) للصحافيين انها تملك برنامجاً واضحاً لخدمة المواطن السوداني واصفة التقارير الصحفية التي تحدثت عن اقالة وشيكة لها بانه «كلام جرايد» ودافعت الوزيرة عن ادائها وابانت الوزيرة انها ستعمل على التركيز خلال الفترة المقبلة على تنفيذ حملات رش في الولايات الاكثر تأثراً بامراض الخريف خاصة الملاريا والنزلات المعوية .
* الجدير بالذكر أنّ تقارير الصحفيين إشارت للدعوى المقدمة ضد وزارة الصحة أمام محاكم ولاية نهر النيل في إشارة واضحة للدعوى التي تقدم بها الأستاذ / ود الشقلة بالنيابة عنّا مؤخراً .( قالت كلام جرايد قالت ..)

تحياتي وودي .. أخوتي ود مدني ونزار
إنتوا وين يا خواني من مدة ما باينين والله شاغلاكم خيمة الجوطة يعني
والله جوططكم تعجب والله .
مشكوووووووووورين
ودالشقلة
07-20-2006, 11:05 AM
الإستاذ / ود الشقلة
بس أمسك لي قوي في وزارة الصحة دي .... البلاوي دي كلها منها
وأنبه للإستعانة بمنظمة الصحة العالمية وبرنامج مكافحة الملاريا وأطباء بلا حدود
ناس الوزارة ديل دايرلهم شهود دوليين ( أخخخخخخخخخخخخ دوليين دي والله بقت تخلع
خليهم اليتخلعوا .... يخلعن الله ديل من البي يسوا فيها .
خبر عاجل في الديلي ميرور يؤكد استدعاء وزيرة الصحة الأتحادية لحضور الجلسة الخاصة بها.
المأمون
07-20-2006, 06:14 PM
أخي العزيز علي.. الحمد لله على سلامتك من البعوض الذي يمتص دماء البشر ولكنه لا يمتص دماء البعوض!!..
ولكن هناك بعوض بشري يمتص دماء اخوته و لا يجرو أن يقترب من البعوض..

وإليك جزء من المذكرة التي قدمتها لمحكمة الاستئناف الأسبوع الماضي دون تعليق..
1- سلم الشاكي المدان البضاعة أمانة وثقة فيه. واستغل المدان اغتراب الشاكي وتصرف في البضاعة على النحو الثابت بأوراق القضية. وللأسف ، فإن هذه ظاهرة سيئة انتشرت في مجتمعنا وراح ضحيتها كثير من أبناء هذا الوطن المغتربين. وبدلاً من أن يقوم المؤتَمَنون بسداد الثغور وحماية الظهور ، إذا بهم يمتصون دماء إخوانهم ويريقون عرق عمرهم جهاراً نهاراً. وكان نتيجة ذلك إنعدام الثقة وإضعاف الائتمان وإنقطاع الروابط الإجتماعية وإهتزاز السوق.. الخ..
و لاحول ولا قوة إلاّ بالله..
علي جارالنبي
07-21-2006, 07:51 PM
أخي العزيز علي.. الحمد لله على سلامتك من البعوض الذي يمتص دماء البشر ولكنه لا يمتص دماء البعوض!!..
ولكن هناك بعوض بشري يمتص دماء اخوته و لا يجرو أن يقترب من البعوض..
وإليك جزء من المذكرة التي قدمتها لمحكمة الاستئناف الأسبوع الماضي دون تعليق..
1- سلم الشاكي المدان البضاعة أمانة وثقة فيه. واستغل المدان اغتراب الشاكي وتصرف في البضاعة على النحو الثابت بأوراق القضية. وللأسف ، فإن هذه ظاهرة سيئة انتشرت في مجتمعنا وراح ضحيتها كثير من أبناء هذا الوطن المغتربين. وبدلاً من أن يقوم المؤتَمَنون بسداد الثغور وحماية الظهور ، إذا بهم يمتصون دماء إخوانهم ويريقون عرق عمرهم جهاراً نهاراً. وكان نتيجة ذلك إنعدام الثقة وإضعاف الائتمان وإنقطاع الروابط الإجتماعية وإهتزاز السوق.. الخ..
و لاحول ولا قوة إلاّ بالله..

؟

منه العوض وليهو العوض
والجاتك في مالك سامحتك
المهم سلامتك ...
ما تنسى تتابع القضية ............
علي جارالنبي
07-24-2006, 03:51 PM
خبر عاجل في الديلي ميرور يؤكد استدعاء وزيرة الصحة الأتحادية لحضور الجلسة الخاصة بها.

ود الشقلة ... الكلام دا ما يكون كلام جرايد ساكت ................
الزولة دي ما حضرت الجلسة وإنت يا أستاذ ماجيت إنشاء الله المانع خير .
..............!!!!!! ................
ودالشقلة
08-01-2006, 10:24 AM
ود الشقلة ... الكلام دا ما يكون كلام جرايد ساكت ................
الزولة دي ما حضرت الجلسة وإنت يا أستاذ ماجيت إنشاء الله المانع خير .
..............!!!!!! ................
السيدة تبيتا بطرس قدمت إلتماس للمحكمة بتأجيل الجلسة الي حين الأنتهاء من مراسم تأبين المرحوم جون قرنق , كما طلبت منحها فرصة تجهيز بعض الوثائق الثبوتية من مختبر جامعة الخرطوم لأمراض المناطق الحارة.
علي جارالنبي
08-01-2006, 10:51 AM
السيدة تبيتا بطرس قدمت إلتماس للمحكمة بتأجيل الجلسة الي حين الأنتهاء من مراسم تأبين المرحوم جون قرنق , كما طلبت منحها فرصة تجهيز بعض الوثائق الثبوتية من مختبر جامعة الخرطوم لأمراض المناطق الحارة.

أي .... أنا برضو قلت كدي ....
الواجب ...... عاد دايرين نسوي كيفن .
بس خليك حريص .... أول ما الزول دا ينسوه تمشي تحرك لي القضية دي
ودالشقلة
08-01-2006, 10:59 AM
أي .... أنا برضو قلت كدي ....
الواجب ...... عاد دايرين نسوي كيفن .
بس خليك حريص .... أول ما الزول دا ينسوه تمشي تحرك لي القضية دي
من كواليس نادي المريخ ...
هناك شمارات تؤكد مقابلة الوزيرة لريس محكمة النقض ... والظاهر انها ناوية علي ما لايحمد...
بس خلينا نشوف نادي هلال مريخ عشان نتأكد من الخبر ..
ولو كان صحيح سوف نعد العدة ونقوم بنشره في الصحف كما حصل في فضيحة الكرة الأيطالية.
المهم اصلا لا تخف وراهم والزمن طويل.
علي جارالنبي
08-01-2006, 11:17 AM
من كواليس نادي المريخ ...
هناك شمارات تؤكد مقابلة الوزيرة لريس محكمة النقض ....

نادي المريخ ؟؟؟؟؟؟؟؟
ود الشقلة هوووووي الكلام دا ما أياه
كمان داير تدخل لي كلام زي دا ؟؟
أنا والله مديون لي إضني والقروش الرسلتها ليك زمان مدينها والله ... ومدي فيها شيك لي واحد مواعيده باكر..
حسي أنا أسوي أشنوة ؟؟؟؟
ودالشقلة
08-01-2006, 02:43 PM
نادي المريخ ؟؟؟؟؟؟؟؟
ود الشقلة هوووووي الكلام دا ما أياه
كمان داير تدخل لي كلام زي دا ؟؟
أنا والله مديون لي إضني والقروش الرسلتها ليك زمان مدينها والله ... ومدي فيها شيك لي واحد مواعيده باكر..
حسي أنا أسوي أشنوة ؟؟؟؟
يا أستاذ لا تخف ...
كل هذه الأرهاصات من صالح القضية ... لأننا سوف نطن في هذه الكواليس التي تمت داخل الأحتفال في استاد المريخ..
وغدا تابع صحيفة الحياة والناس ...
علي جارالنبي
08-01-2006, 05:18 PM
الله يجيب العواقب سليمة .... ناس الصحف ديل مرات يسوا من الفسيخ شربات الله يكفينا شرهم .
ياخي إنت تعال ..!!!!!! نحن ماعندنا شذى ... أيوه شذى الأفراح دي إعلامية ضليعة إنت عارف دي لو ربنا هداها لينا تجيب لنا قيرا وقعاعيرا .... .. بس تكلمها إنت ... ...... أنا .................!!!!!
ودالشقلة
08-02-2006, 11:04 AM
الله يجيب العواقب سليمة .... ناس الصحف ديل مرات يسوا من الفسيخ شربات الله يكفينا شرهم .
ياخي إنت تعال ..!!!!!! نحن ماعندنا شذى ... أيوه شذى الأفراح دي إعلامية ضليعة إنت عارف دي لو ربنا هداها لينا تجيب لنا قيرا وقعاعيرا .... .. بس تكلمها إنت ... ...... أنا .................!!!!!
هي الأمور في صالحنا دون شذي الأفراح لأنها فشلت تماما في تغطية رحلة المدير العام حيث لم توافينا باي شيء عن الكواليس والمطبات التي وقع فيها مديرنا العام.

المهم مصادرنا تؤكد وقوع مديرنا في نفس شرك البعوض ولكنه يبحث عن محامي منتظرا النتائج التي سوف تتوصل لها جلستنا الأخيرة والنطق بالحكم.
علي جارالنبي
08-02-2006, 11:40 AM
هي الأمور في صالحنا دون شذي الأفراح لأنها فشلت تماما في تغطية رحلة المدير العام حيث لم توافينا باي شيء عن الكواليس والمطبات التي وقع فيها مديرنا العام.
.
موافق .............
وبالإضافة لما ذكرت.............. بيني وبينك خاتا رأسها مع نزار( تذكر أيامها نزارطلب الإفراج عن الجناة ....... ؟؟ شذى دي أكيد ساندتو في الموضوع دا ............. ما قلت لك ضليعة .....؟؟؟
بس غريبه تفشل في تغطية رحلة المديرالعام . ... يمكن عشان .................!!!!
علي جارالنبي
08-02-2006, 11:57 AM
[frame="6 80"]
المهم مصادرنا تؤكد وقوع مديرنا في نفس شرك البعوض ولكنه يبحث عن محامي منتظرا النتائج التي سوف تتوصل لها جلستنا الأخيرة والنطق بالحكم.[
/frame]

حقو نقدم طلب بإدخال المدير العام كمدعي في دعوى التعويض مباشرة . ( بارك الله فيمن أفاد إستفاد )
أو نخليه يرفع دعوي وبعدين يقدم طلب بضمه لدواعوانا .
والله أقولك ... لالالا............ خليه.. أحسن يرفع دعوى مستقلة بعيد مننا وأصلُه بي يكسبها .الناس ديل إيدن طايله ، وقضيتنا دي واضح إنها إتردخت طالما دخلت فيها وزيرة الصحة الما معروف مصيرا بكرة يبقى عليها اشنوه .
إنت عارف لو قضية المدير العام دي نجحت بي تقتصر لنا الطريق .. ممكن ناخدا سابقة نستند عليها ،لأنها بي تستند على نفس المبادي المستندين عليها نحن .
والله رأئك شنوه ؟؟؟؟؟ غايتو مجرد وجهة نظر ( نحن أكان ما متنا ......... شقينا المقابر..)
ودالشقلة
08-02-2006, 12:55 PM
حقو نقدم طلب بإدخال المدير العام كمدعي في دعوى التعويض مباشرة . ( بارك الله فيمن أفاد إستفاد )
أو نخليه يرفع دعوي وبعدين يقدم طلب بضمه لدواعوانا .
والله أقولك ... لالالا............ خليه.. أحسن يرفع دعوى مستقلة بعيد مننا وأصلُه بي يكسبها .الناس ديل إيدن طايله ، وقضيتنا دي واضح إنها إتردخت طالما دخلت فيها وزيرة الصحة الما معروف مصيرا بكرة يبقى عليها اشنوه .
إنت عارف لو قضية المدير العام دي نجحت بي تقتصر لنا الطريق .. ممكن ناخدا سابقة نستند عليها ،لأنها بي تستند على نفس المبادي المستندين عليها نحن .
والله رأئك شنوه ؟؟؟؟؟ غايتو مجرد وجهة نظر ( نحن أكان ما متنا ......... شقينا المقابر..)

هو هسه بيتاوق لينا من بعيد لبعيد ... لكن اصلو ما بنمسك ليهو دعوتو دي ونحن خلاص الحكاية بقت في ايدنا بعد ما الوزيرة بدات تفتش في الواسطات عشان تطلعا من ورطة الكولوركين دي .
خليهم متحيرين لأن شذي ما قدرت توصل المعلومة بمهنية كاملة ..
أبن مدني
08-03-2006, 10:01 AM
يا أستاذ لا تخف ...
كل هذه الأرهاصات من صالح القضية ... لأننا سوف نطن في هذه الكواليس التي تمت داخل الأحتفال في استاد المريخ..
وغدا تابع صحيفة الحياة والناس ...
ممكن الواحد يقوم يربي بعوض عشان يتوك ليهو واحد بملاريا كاربة .... ونلقي من وراهو حق الأسمنت والله الطوب.
ودالشقلة
08-03-2006, 12:27 PM
ممكن الواحد يقوم يربي بعوض عشان يتوك ليهو واحد بملاريا كاربة .... ونلقي من وراهو حق الأسمنت والله الطوب.
يا ود مدني مسائل القياس هذه غير واردة في دفاتر المشرع السوداني ... ممكن تمشي ناس البنوك يدوك قرض عشان تبني بيهو ... خليك من محاحاة البعوض.
ودالشقلة
08-06-2006, 02:53 PM
محكمـــــــــــــــــــــــة

بعد استدعاء الوزيرة واعترافها الصريح بالتقصير في الصحة العامة وعدم متابعتها الدقيقة لأستيراد الأدوية قررت المحكمة الآتي :
غرامة الوزيرة كل الأتعاب والخسائر التي تكبدها موكلي من الناحية المادية والمعنوية وعلي الوزارة دفع 7 مليون دولار نسبة لأن المدعي يقيم خارج البلاد .. وتكبد جراء ذلك خسائر في تاخير السفر وتعرضع لعقوبات من ارباب العمل .... الخ.
قفل الملف ولا سبيل للأستئناف.
علي جارالنبي
08-06-2006, 04:36 PM
محكمـــــــــــــــــــــــة
بعد استدعاء الوزيرة واعترافها الصريح بالتقصير في الصحة العامة وعدم متابعتها الدقيقة لأستيراد الأدوية قررت المحكمة الآتي :
غرامة الوزيرة كل الأتعاب والخسائر التي تكبدها موكلي من الناحية المادية والمعنوية وعلي الوزارة دفع 7 مليون دولار نسبة لأن المدعي يقيم خارج البلاد .. وتكبد جراء ذلك خسائر في تاخير السفر وتعرضع لعقوبات من ارباب العمل .... الخ.
قفل الملف ولا سبيل للأستئناف.

بس المبلغ دا بسيط جداً يا أستاذ ........!!!!
والضمان أشنوه بكره يكرروا نفس الفعل .. أنا داير ضمان خمسة سنة على الأقل لكل السودان بعدها ألف فرج .
وحكاية لاسبيل للإستئناف دي أشنوه .... ..؟؟ عشان وزيرة و وزارة يعني ؟؟؟ والسبعة مليون دي قايل بتهمهن ؟؟ ما يبيعولن كوته دواء بي عشرة مليون يدفعوا منها الغرامة ويضربوا الباقي .. لالالا ....
أنا برفع قضيتي لمنظمة حقوق الإنسان .... لكين باقيليك بي يفضوا لي الأيام دي .. شايف مشاكلن كترت...... من دارفور لي لبنان ومن قبل العراق , ... و..........و .............وما معروف بكرة يمشوا وين ، والجناة يسوا في البيسوا فيها والحقوق رايحة ....
الله يعين ..........
أبن مدني
08-10-2006, 06:16 PM
البيحضر القطاع بسوولو شنو يا ناااااس ؟؟؟
علي جارالنبي
08-10-2006, 10:14 PM
البيحضر القطاع بسوولو شنو يا ناااااس ؟؟؟

ابن مدني ... أبشر .. حقك علي محفوظ
نحن والله الحقوق أصلو ما نضيعها .
بس أخبرلنا ناس حقوق الإنسان ديل دربُن بي وين ؟
بس الحكاية تنجض ونقطع لك ... والله داير حقك ني ..؟؟؟
لك ودي وحبي إبن مدني ...
ياخي ماتطول ..... طلتك بالدنيا لينا .